Azərbaycanda “Kibertəhlükəsizlik günləri” keçirilib. Azərbaycan Respublikası Xüsusi Rabitə və İnformasiya Təhlükəsizliyi Dövlət Xidməti və PROSOL şirkətinin birgə təşkilatçılığı ilə baş tutan kibertəhlükəsizlik konfransında bu sahədə fəaliyyət göstərən yerli və xarici mütəxəssislər, həmçinin dövlət qurumları, özəl müəssisə və təşkilatlarda kibertəhlükəsizliyə cavabdeh olan şəxslər iştirak ediblər. Konfransda Azərbaycan Respublikasının Dövlət Reklam Agentliyini qurumun İnformasiya texnologiyaları, eləcə də Strateji inkişaf və kommunikasiya şöbələrinin əməkdaşları təmsil ediblər.  Konfransın açılış mərasimində Xüsusi Rabitə və İnformasiya Təhlükəsizliyi Dövlət Xidmətinin rəis müavini, general-mayor Allahverən İsmayılov, PROSOL şirkətinin İdarə Heyətinin sədri Babək Ağayev, İsrail Dövlətinin keçmiş Baş naziri Ehud Olmert, Birləşmiş Krallığın Azərbaycandakı səfiri Ferqus Auld və İsrailin Azərbaycandakı səfiri Corc Dik iştirak ediblər. Konfrans kibertəhlükəsizliyin aktual problemləri və çağırışları üzrə panel müzakirlərlə davam etdirilib.