Azərbaycan Respublikasının Dövlət Reklam Agentliyinin kollektivi 27 sentyabr - Anım Günü ilə əlaqədar paytaxtda inşası davam etdirilən Zəfər parkında olub. Zəfər parkında xatirə daşının önünə gül dəstələri qoyulub. Ölkəmizin ərazi bütövlüyü uğrunda şəhidlik zirvəsinə ucalan igid oğullarımızın əziz xatirəsi dərin ehtiramla yad edilib. Agentliyin kollektivi, həmçinin Vətən Müharibəsi Memorial Kompleksi və Zəfər Muzeyinin layihəsinin əks olunduğu stendlərə baxıb.