Azərbaycan Respublikasının Dövlət Reklam Agentliyində (ADRA) 8 Mart - Beynəlxalq Qadınlar Günü münasibətilə sərgi təşkil olunub. Sərgidə qadın əməkdaşların  fərqli, maraqlı və yüksək peşəkarlığa malik əl işləri təqdim edilib. Qadınlar öz yaradıcılıqlarını nümayiş etdirərək, əl işlərində göstərdikləri ustalıq və incəliklə ziyarətçiləri heyran ediblər. Sərgidə yer alan müxtəlif yaradıcılıq məhsulları – zərif əl işləri, rəsm əsərləri, dekorativ və tətbiqi sənət nümunələri böyük maraqla qarşılanıb və sərgiyə gələnlər tərəfindən yüksək qiymətləndirilib. Hər bir nümunə qadınların sənətkarlıq bacarıqlarını və yaradıcı potensiallarını göz önünə sərib.

    Sərgiyə qatılan ADRA-nın İdarə Heyətinin sədri Fərhad Adıgözəlov qadın əməkdaşları təbrik edərək, onların işlərinə və yaradıcılıqlarına yüksək qiymət verdiyini bildirib. O, sərgidə nümayiş olunan əl işlərinə xüsusi diqqət yetirib və iştirakçı qadınların əzmkarlığını və uğurlarını xüsusi qeyd edib. Fərhad Adıgözəlov qadınların ailədə və cəmiyyətdə nə qədər əhəmiyyətli bir yer tutduqlarını vurğulayıb.

    Bu tədbir qadınların sənət və yaradıcılıqla yanaşı ictimai həyatdakı rolunu bir daha vurğulamaq üçün fürsət olub.