20 Yanvar faciəsinin ildönümü münasibətilə Azərbaycan Respublikasının Dövlət Reklam Agentliyinin (ADRA) kollektivi Şəhidlər Xiyabanını ziyarət edib. Şəhidlərin xatirəsi ehtiramla anılıb, məzarları üzərinə qərənfillər düzülüb və ruhlarına dualar oxunub.

    1990-cı il yanvarın 20-də baş verən qanlı hadisələr Azərbaycan tarixində təkcə faciə deyil, həm də milli qürur və birlik simvoludur. Bu hadisələr nəticəsində xalqın iradəsi daha da güclənmiş və müstəqillik arzusu reallığa çevrilmişdir.